Real Madridi dhe FC Barcelona janë futur në një garë të re transferimesh, këtë herë për mbrojtësin anglez Marc Guehi.
Qendërmbrojtësi i Crystal Palace ka vendosur të mos rinovojë kontratën me klubin, e cila skadon në verën e vitit 2026.
Trajneri i Palace, Oliver Glasner, ka konfirmuar largimin e mundshëm të lojtarit, duke thënë se vendimi i Guehit do të respektohet.
Nga janari, ai do të ketë të drejtë të negociojë me çdo klub, çka ka ngjallur menjëherë interesin e dy gjigantëve spanjollë.
Real Madridi po kërkon të përforcojë mbrojtjen për të ardhmen, me Guehin që shihet si një profil ideal për të zëvendësuar lojtarë si Alaba dhe Rudiger.
Klubi e vlerëson përvojën e tij në Ligën Premier dhe aftësitë në ndërtimin e lojës nga prapavija.
Barcelona, në anën tjetër, për shkak të situatës financiare, është në kërkim të një zgjidhjeje me kosto të ulët.
Guehi përputhet me projektin e klubit dhe shihet si një alternativë afatmesme për qendrën e mbrojtjes, sidomos nëse largohet Christensen.
Crystal Palace është e gatshme të shqyrtojë ofertat në janar për të mos e humbur lojtarin falas në verë.
Ndërsa vendimi i Guehit pritet me interes, gara mes Realit dhe Barçës për nënshkrimin e tij është vetëm në fillim.
