Kapiteni i Real Madridit, Dani Carvajal, është shprehur i pakënaqur me vendimin e La Ligës për të zhvendosur ndeshjen mes Villarrealit dhe Barcelonës në Miami.
Në një prononcim për “RTVE”, Carvajal tha se një vendim i tillë “shtrembëron garën” dhe se nuk është e drejtë që skuadrat të mos garojnë në kushte të barabarta.
“Është një shtrembërim i qartë i konkurrencës. Jo të gjitha klubet garojnë nën të njëjtat kushte,” deklaroi mbrojtësi i Real Madridit.
Ai shtoi se është thelbësore që lojtarët, klubet dhe vetë liga të bashkëpunojnë për të krijuar një futboll më të drejtë.
“Është e domosdoshme që të punojmë së bashku për një garë më të barabartë, por për momentin kjo nuk po ndodh,” shtoi Carvajal.
Mbrojtësi madrilen foli edhe për ‘El Clasico-n’ që zhvillohet këtë fundjavë kundër Barcelonës, duke theksuar rëndësinë e ndeshjes.
“Në fund janë vetëm tri pikë, por përballja me rivalin tonë kryesor është gjithmonë e veçantë. Një fitore do të na jepte shumë vetëbesim dhe shpresojmë ta arrijmë,” përfundoi kapiteni i Real Madridit
