Kryeministri i Kosovës në detyrë, Albin Kurti, është takuar me kryeministrin e Mbretërisë së Bashkuar, Keir Starmer, në kuadër të Samitit të Procesit të Berlinit që këtë vit po mbahet në Londër.
Në një postim në platformën “X”, Kurti ka njoftuar se me Starmerin kanë diskutuar për marrëdhëniet bilaterale dhe për temat kryesore të samitit: sigurinë, zhvillimin ekonomik dhe migracionin.
Ai e ka falënderuar homologun britanik për angazhimin e Mbretërisë së Bashkuar në misionin paqeruajtës të NATO-s në Kosovë përmes KFOR-it, si dhe për thirrjet ndaj Këshillit të Sigurimit të OKB-së që të njohë shtetësinë e Kosovës.
Kurti gjithashtu ka vlerësuar kërkesën e Starmerit drejtuar Serbisë që të dorëzojë Milan Radoiçiqin, të cilin e ka cilësuar si “përgjegjësin kryesor” për sulmin terrorist në Banjskë.
“Kosova nuk është burim migracioni dhe ka treguesit më të fortë të sundimit të ligjit dhe sigurisë në Ballkanin Perëndimor, sipas World Justice Project,” ka theksuar Kurti, duke shtuar se Kosova është e gatshme të mbështesë Britaninë në menaxhimin e flukseve migratore dhe forcimin e sigurisë kufitare.
Theksojmë se sot Britania e Madhe vendosi sanksione ndaj nëntë shtetasve të Kosovës për përfshirje në çështje të migrimit të paligjshëm.
I thanked Prime Minister @Keir_Starmer for hosting this year’s Berlin Process Summit, which returned to London for the second time.
— Albin Kurti (@albinkurti) October 22, 2025
We discussed our bilateral relations and this year’s summit themes — security, growth, and migration. I also thanked him for the UK’s commitment to… pic.twitter.com/PzCyE1tKsQ
