18 
Policia ka bërë të ditur se ka realizuar projektin “Siguria në trafik” së bashku me nxënës të klasës së tetë në fshatin Milloshevë në Obiliq.
Sipas policisë, qëllimi i projektit ka qenë që nxënësit ta kuptojnë rëndësinë e sigurisë në trafik si dhe punën policore në trafik.
Së bashku me nxënësit janë vendosur pika kontrolli të veturave në afërsi të shkollës dhe të asistuar nga ta është demonstruar se si mbahet një pikë kontrolli për automjete.
“Ky projekt ka qenë i mirëpritur nga nxënësit dhe nga qytetarët kalimtarë të rastit dhe nga ngasësit e veturave. Projektin e ka mbështetur OJQ “Qendra Rinore ” që vepron në Obiliq, e cila ka qenë prezente gjatë realizimit të këtij projekti”, thuhet tutje në njoftimin e policisë.
