Superylli argjentinas Lionel Messi ka qenë protagonist absolut në fitoren e Inter Miami ndaj Nashville me rezultat 3-1, në ndeshjen hapëse të ‘Play Off-it’ të MLS.
Me dy gola të shënuar, 38-vjeçari i udhëhoqi skuadrën nga Florida drejt një fitoreje të rëndësishme, që e vendos në epërsi 1-0 në serinë e ndeshjeve.
Inter Miami do të ketë mundësinë të sigurojë kualifikimin në gjysmëfinalen e konferencës nëse triumfon edhe në ndeshjen e dytë, që do të zhvillohet më 1 nëntor në Nashville.
Para fillimit të sfidës, Messi mori edhe një çmim personal – trofeun e golashënuesit më të mirë të sezonit të rregullt të MLS, pasi përfundoi kampionatin me 29 gola në 28 ndeshje, një statistikë mbresëlënëse për kapitenin e Inter Miamit.
Kjo paraqitje vjen vetëm pak ditë pasi Messi zgjati kontratën e tij me klubin nga Florida, marrëveshje që do ta mbajë atë te Inter Miami deri në vitin 2028.
Skuadra e drejtuar nga Gerardo “Tata” Martino shihet si një nga favoritët kryesorë për titullin e këtij sezoni, me Messin që vazhdon të dëshmojë se mbetet në nivelin më të lartë edhe në moshën 38-vjeçare
