Sulmet ruse me raketa dhe dronë ndaj Ukrainës gjatë natës së kaluar vranë të paktën katër persona dhe plagosën 20 të tjerë, thanë zyrtarët, dhe nxitën thirrje të reja nga presidenti i Ukrainës për sisteme perëndimore të mbrojtjes ajrore.
Në kryeqytet, Kiev, dy persona u vranë dhe 13 u plagosën në një sulm me raketa balistike në orët e para të së shtunës, tha policia e Kievit.
Një zjarr shpërtheu në një ndërtesë jo-rezidenciale në një vend, ndërsa mbeturinat nga raketat e kapura ranë në një zonë të hapur në një vend tjetër, duke dëmtuar dritaret në ndërtesat aty pranë, shkroi Shërbimi Shtetëror i Emergjencave i Ukrainës në aplikacionin e mesazheve Telegram, raporton Associated Press,
“Shpërthime në kryeqytet. Qyteti është nën sulm balistik”, shkroi kryebashkiaku Vitali Klitschko në Telegram gjatë sulmit.
Në rajonin e Dnipropetrovsk, dy persona u vranë dhe shtatë u plagosën, tha guvernatori rajonal në detyrë Vladyslav Haivanenko, duke shtuar se ndërtesat e apartamenteve dhe shtëpitë private u dëmtuan në sulme.
Forca ajrore e Ukrainës tha se Rusia lëshoi nëntë raketa dhe 62 dronë, nga të cilët katër raketa dhe 50 dronë u kapën.
Në Rusi, Ministria e Mbrojtjes tha se mbrojtja e saj ajrore rrëzoi 121 dronë ukrainas mbi Rusinë gjatë natës.
Presidenti ukrainas Volodymyr Zelensky tha të shtunën se sulme të tilla e intensifikojnë nevojën e Ukrainës për sisteme mbrojtëse Patriot.
“Pikërisht për shkak të sulmeve të tilla ne i kushtojmë vëmendje të veçantë sistemeve Patriot – për të qenë në gjendje të mbrojmë qytetet tona nga ky tmerr. Është thelbësore që partnerët që zotërojnë aftësi relevante të zbatojnë atë që kemi diskutuar ditët e fundit”, shkroi ai në anglisht në X.
“Amerika, Evropa dhe vendet e G7 mund të ndihmojnë në sigurimin që sulme të tilla të mos kërcënojnë më jetë”, tha ai.
Zelensky shpreson që Ukraina të mund të blejë 25 Patriot nga SHBA-ja për të forcuar mbrojtjen e saj ajrore, veçanërisht në qytete
