Lega Serie A ka konfirmuar datat dhe oraret për Superkupën e Italisë 2025, e cila këtë vit do të mbahet përsëri në Arabinë Saudite.
Mini-turneu do të nisë të enjten, më 18 dhjetor, në orën 20:00, me përballjen Napoli – Milan, gjysmëfinalja e parë ku do të marrin pjesë fituesi i Serie A dhe finalisti i Kupës së Italisë nga sezoni i kaluar.
Gjysmëfinalja e dytë do të luhet të premten, më 19 dhjetor, po në orën 20:00, ndërmjet Bologna – Inter, që përfaqësojnë fituesin e Kupës së Italisë dhe nënkampionin e Serie A.
Finalja e Superkupës së Italisë është planifikuar për të hënën, më 22 dhjetor, gjithashtu në orën 20:00, ku skuadrat fituese të gjysmëfinaleve do të luftojnë për trofeun e parë të sezonit të ri italian.
Ky edicion rikthen formatin e mini-turneut jashtë Italisë dhe pritet të ofrojë ndeshje të forta mes klubeve kryesore të futbollit italian
