16 
Kryetari i NISMA-s Socialdemokrate, Fatmir Limaj, ka konfirmuar para gazetarëve se nuk është kontaktuar nga Lëvizja Vetëvendosje në lidhje me formimin e Qeverisë “Kurti 3”. Deklarata e tij erdhi pak para nisjes së seancës së Kuvendit të Kosovës, ku pritet të votohet kabineti i ri qeveritar.
Limaj, i cili tashmë ka hyrë në ambientet e Kuvendit, u shpreh shkurtimisht: “Nuk jam kontaktuar nga Vetëvendosje”, duke lënë të kuptohet se nuk ka pasur ndonjë komunikim apo ofertë politike nga partia e mandatarit për mbështetje në votim.
Qasja e rezervuar e Limajt shton pasigurinë rreth rezultatit të seancës, në një moment kur numrat për formimin e qeverisë mbeten të paqartë.
