152 
Ministri në detyrë i Financave, Hekuran Murati, ka paralajmëruar se nëse Kuvendi nuk voton sot për formimin e Qeverisë Kurti 3, vendi mund të përballet me zgjedhje të reja. Në një reagim në Facebook, ai ka theksuar se ky skenar do të rrezikonte procese të rëndësishme si miratimi i buxhetit, zbatimi i Planit të Rritjes të BE-së dhe funksionimi i institucioneve të pavarura.
Murati ka apeluar për përgjegjësi politike, duke theksuar se opsioni i preferuar është formimi i Qeverisë së re. Ai ka pyetur nëse opozita është e gatshme të sakrifikojë qëndrueshmërinë shtetërore vetëm për të kundërshtuar Albin Kurtin. Ministri ka shprehur shpresën që deputetët të vendosin interesin e shtetit mbi kalkulimet politike.
