Dhuna në familje vazhdon të jetë një shqetësim serioz në Kosovë. Vetëm brenda 48 orëve të fundit, Policia e Kosovës ka raportuar gjashtë raste të dhunës familjare, të regjistruara në Prishtinë, Klinë, Pejë, Deçan, Skenderaj dhe Mitrovicë.
Në pesë prej rasteve, viktimat janë gra, ndërsa në një rast janë përfshirë më shumë se një viktimë. Disa prej të dyshuarve janë dërguar në mbajtje, ndërsa të tjerë janë liruar në procedurë të rregullt me vendim të prokurorit.
Raportet policore përfshijnë:
Prishtinë (27.10.2025 – 10:21): I dyshuari shoqërohet në polici, rasti trajtohet në gjendje të lirë.
Klinë (26.10.2025 – 23:20): I dyshuari arrestohet, viktima merr trajtim mjekësor, rasti në procedurë të rregullt.
Pejë (27.10.2025 – 16:00): I dyshuari dërgohet në mbajtje.
Deçan (27.10.2025 – 20:30): Viktimat marrin trajtim mjekësor, i dyshuari në mbajtje.
Skenderaj (27.10.2025 – 17:30): Dhunë e raportuar ndaj një gruaje, testi i alkoolit pozitiv, mbajtje për 48 orë.
Mitrovicë (27.10.2025 – 13:00): Palët intervistohen, i dyshuari lirohet në procedurë të rregullt.
