Leo Messi nuk ka ndërmend të ndalet. Ylli argjentinas ka konfirmuar se synon të marrë pjesë në Kampionatin Botëror 2026, i cili do të mbahet në Shtetet e Bashkuara të Amerikës, Meksikë dhe Kanada.
Në një intervistë për “NBC”, kapiteni i Argjentinës tha se shëndeti do të jetë faktori vendimtar për praninë e tij në turneun më të madh të futbollit.
“Të jesh pjesë e një Botërori është diçka e jashtëzakonshme dhe unë dua që të jem pjesë,” u shpreh Messi.
Nëse gjithçka shkon sipas planeve, Messi do të luajë në Botërorin e gjashtë të karrierës, në moshën 39-vjeçare, duke e bërë atë një nga lojtarët më jetëgjatë në historinë e futbollit ndërkombëtar.
Sa i përket tërheqjes nga futbolli, duket se ky moment është ende larg. Sulmuesi argjentinas ka rinovuar kontratën me Inter Miami-n deri në vitin 2028, çka nënkupton se mund të vazhdojë të luajë edhe pasi të ketë mbushur 41 vjeç.
Për momentin, Messi mbetet i fokusuar te aventura e tij në MLS dhe te ruajtja e formës për të udhëhequr sërish Argjentinën në rrugën drejt një tjetër trofeu botëror
