Kryetari i Prishtinës, Përparim Rama, ka bërë të ditur se Prishtina ka fituar çmimin ndërkombëtar të Fondacionit Holcim për arkitekturë të qëndrueshme e inovacion urban.
“Kjo është me tulltoren Qendra ArtTek. Lajm i jashtëzakonshëm për Prishtinën! Tulltorja Qendra ArtTek u shpall fituese e Çmimit Ndërkombëtar të Fondacionit Holcim për arkitekturë të qëndrueshme dhe inovacion urban”, tha Rama.
Ai theksoi se ky vlerësim e vendos Prishtinën në hartën e qyteteve që ruajnë trashëgiminë Rama tha se Prishtina po ecë përpara.
“Ky vlerësim e vendos Prishtinën në hartën e qyteteve që mendojnë ndryshe – që e ruajnë trashëgiminë, e zhvillojnë kreativitetin dhe ndërtojnë me vizion të gjelbër. Krenar me ekipin që e bënë këtë projekt realitet. Prishtina po ecë përpara me punë, ide dhe energji”, tha Rama.
