Ish-ambasadori i Kosovës në Katar, Amir Ahmeti, ka komentuar njohjen e Kosovës nga Siria, duke e vlerësuar atë si rezultat të një angazhimi të vazhdueshëm institucional dhe diplomatik.
Në një lidhje direkte në emisionin “Edicioni Special” në Klan Kosova, Ahmeti u shpreh se kjo njohje nuk ka ardhur rastësisht, por si rrjedhojë e punës së koordinuar mes institucioneve të Kosovës dhe partnerëve ndërkombëtarë.
“Kjo njohje vjen me angazhimin e institucioneve të Kosovës, që duhet përshëndetur. Është mirë të jetë një model se si duhet të sillen njohjet, domethënë me punë, angazhim dhe takime direkte me palën tjetër, në bashkëpunim me partnerët tanë. Nëse i shikojmë të gjitha njohjet që i ka marrë Kosova, asnjërën njohje nuk mundesh me gjetë që e ka sjellë Kosova me angazhimin e vetëm institucional. Pa ndihmën e partnerëve ndërkombëtarë”, u shpreh Ahmeti.
