Kryetari i Prishtinës, Përparim Rama, ka bërë të ditur se e kanë larguar azbestin nga tulltorja dhe depoja afër stacionit të vjetër të trenit.
Azbesti vlerësohet material i rrezikshëm kancerogjen, andaj heqjen e tij, Rama e pa si një hap të madh drejt një Prishtine të shëndetshme.
“Largimi i azbestit nga Tulltorja dhe Depoja pranë Stacionit të vjetër të trenit është një hap i madh drejt një Prishtine më të shëndetshme! Po pastrojmë gjurmët e së kaluarës për t’i hapur rrugë një të ardhmeje të gjelbër, të sigurt dhe të qëndrueshme”, ka shkruar Rama.
I pari i kryeqytetit këtë e vlerësoi si “përtej një projekti mjedisor”.
“Ky është më shumë se një projekt mjedisor ,është kujdes për shëndetin e qytetarëve tanë dhe për jetën në Kryeqytet”, ka shkruar ai.
