Një burrë i moshës 46-vjeçare është gjetur pa shenja jete sot në fshatin Soponiçë të Kaçanikut.
Vdekjen e tij e konstatuan mjekët e QKMF-së të Kaçanikut të cilët dolën në vendngjarje.
Lajmin për Gazetën Express e ka konfirmuar zëdhënësi për rajonin e Ferizajt, Kanun Veseli.
“Sot, më datë 09.11.2025, rreth orës 13:50, kemi pranuar një informacion lidhur me një person pa shenja jete në fshatin Soponiçë të Kaçanikut. Në vendin e ngjarjes kanë dalë mjekët e QKMF Kaçanik, të cilët kanë konstatuar se viktima, mashkull rreth 46 vjeç është pa shenja jete. Po ashtu, në vendin e ngjarjes kanë dalë njësitet policore nga stacioni policor Kaçanik, krim-teknikët dhe hetuesit rajonal”.
Veseli tha se në konsultim me prokurorin e shtetit, është iniciuar rasti “Hetim mbi vdekjen”.
“Për informata shtesë lidhur me rastin, do të njoftoheni me raport në vijim”, tha ai.
