Një shok bombë është gjetur në depon e një shtëpie në qytetin e Ferizajt, ka njoftuar Policia e Kosovës përmes raportit të saj 24-orësh.
Sipas njoftimit, mjeti shpërthyes është zbuluar nga vetë pronari i shtëpisë, i cili më pas ka lajmëruar policinë.
“Tek shtëpia e ankuesit, mashkull kosovar, në depon e tij është gjetur një mjet i dyshimtë”, thuhet në raport.
Në vendin e ngjarjes ka dalë njësiti i deminimit, i cili ka bërë tërheqjen dhe neutralizimin e mjetit të dyshimtë, që është konfirmuar se ishte shok bombë.
Lidhur me rastin është njoftuar prokurori kompetent, ndërsa policia ka nisur procedurat e zakonshme hetimore.
