Kryeministri i Shqipërisë, Edi Rama, e ka nisur mëngjesin e sotëm me një postim të shkurtër në Facebook, të shoqëruar me një fotoalbum nga vizita e tij në Romë. Në publikimin e tij, Rama shkruan:
“MIRËMËNGJES 😊 dhe me fotoalbumin nga Roma, në ditën historike të marrëdhënieve tona ndërkombëtare, ku u zhvillua dje mbledhja e parë e përbashkët mes qeverive të Shqipërisë dhe Italisë, ju uroj një ditë të mbarë 🫶.”
Albumi i publikuar sjell momente nga zhvillimet e një dite që kryeministri e cilëson si historike, pasi për herë të parë u organizua mbledhja e përbashkët mes dy qeverive, një format i ri bashkëpunimi që synon forcimin e partneritetit strategjik Shqipëri–Itali.
Takimet mes dy delegacioneve u fokusuan në fusha kyçe si bashkëpunimi ekonomik, siguria, çështjet energjetike, kultura dhe integrimi evropian. Mesazhi i mëngjesit, i shoqëruar me tone pozitive dhe optimiste, vjen si vazhdim i qëndrimit të Kryeministrit për të theksuar rëndësinë e kësaj ngjarjeje në marrëdhëniet dypalëshe.
