Ushtari i Forcës së Sigurisë së Kosovës, që dyshohet se është plasgosur nga kolegu i tij, është dërguar për treman mjekësor në Klinikën Emergjente të Qendrës Klinike Universitare të Kosovës.
Këtë për Klan Kosovën e ka konfirmuar Nasel Syla, drejtor i Emergjencës në QKUK.
I njëjti ka theksuar se i plagosuri është në gjendje stabile.
“Ai ka vazhduar për tretman të mëtutjeshëm në Klinikën e Ortopedisë”, ka thënë Syla.
Ndërkohë, për Klan Kosova zëdhënësi i Policisë së Kosovës për Prishtinën, Enis Pllana, ka theksuar se një rast i plagosjes ka ndodhur sot rreth orës 14:30 në fshatin Sharban të Prishtinës.
“Menjëherë në vendin e ngjarjes kanë dalë njësitet policore. Bazuar në të dhënat fillestare në këtë vend është plagosur një person”, ka thënë Pllana.
Burime të Klanit kanë bërë të ditur se i plagosuri është 22-vjeçar dhe ushtar i Forcës së Sigurisë së Kosovës, derisa pjesë e ushtrisë është edhe personi që ka shtënë me armë zjarri.
Të dy, gjithmonë sipas burimeve të televizionit, kanë qenë jashtë orarit të punës.
