Klubi anglez, Manchester United po shqyrton mundësinë e blerjeve të reja në afatin kalimtar të dimrit, me synimin për t’i ofruar trajnerit Ruben Amorim përforcime të rëndësishme në repartin e mesfushës.
Sipas medieve britanike, në krye të listës së dëshirave të klubit anglez është mesfushori i Nottingham Forest, Elliot Anderson.
22-vjeçari ka zhvilluar një gjysmë-sezoni shumë të mirë dhe shkathtësia e tij ka tërhequr interesimin e disa klubeve kryesore evropiane, përfshirë edhe Manchester United.
Objektivi tjetër i rëndësishëm është Carlos Baleba i Brighton. Megjithatë, negociatat me këtë klub pritet të jenë më të vështira, pasi Brighton e vlerëson lojtarin me një shumë që arrin deri në 100 milionë funta.
Ndërkohë, në sfond mbetet i fortë edhe interesi për Conor Gallagher, aktualisht pjesë e Atletico Madrid. United raportohet se po punon drejt një marrëveshjeje të mundshme huazimi për mesfushorin anglez.
Manchester United pritet të jetë ndër klubet më aktive në tregun e janarit, ndërsa Amorim kërkon të përforcojë skuadrën për fazën vendimtare të sezonit
