Kina ka zbuluar një prej burimeve më të mëdha të arit të regjistruara ndonjëherë, në provincën Liaoning, të cilin autoritetet e kanë cilësuar si më të madhin që prej vitit 1949.
Zbulimi, i bërë publik nga Ministria e Burimeve Natyrore të Kinës, vjen pas disa gjetjeve të tjera të rëndësishme gjatë muajve të fundit, por ky i fundit tejkalon çdo rekord.
Sipas të dhënave zyrtare, në nëntokën e zonës Dadonggou gjenden 1.444 ton ar i pastër, të përftuar nga rreth 2.586 milionë tonë mineral, me një pastërti mesatare prej 0.56 gram për ton.
Projekti i kërkimit dhe analizimit të strukturës minerale zgjati 15 muaj dhe u zhvillua nga Grupi Gjeologjik dhe Minerar i Liaoningut, duke përfshirë rreth një mijë ekspertë e teknikë.
Ministria e përshkroi burimin si “ultra të madh” dhe të një ligji relativisht të ulët, por me sasi kolosale që e kthejnë në një aset strategjik kombëtar. Vendndodhja e saktë nuk është bërë publike, duke nxitur spekulime mbi arsyet strategjike.
Zbulimi vjen në një moment kur ari ka shënuar rritje të fortë prej mbi 50% këtë vit, duke e bërë atë një prej metaleve më të kërkuara globalisht.
Vetëm në vitin 2024, Kina ka gjetur mbi 1.000 ton ar në rajonin e Hunanit, duke rritur ndjeshëm kapacitetet e saj në eksplorimin e nëntokës. Ky zbulim e forcon edhe më tej pozitën e Pekinit si fuqi kryesore në tregun global të arit.
China discovers its first 1,000-ton #gold deposit 🇨🇳
— Bridging News (@BridgingNews_) November 14, 2025
The Ministry of Natural Resources announced that China has identified the Dadonggou gold mine in eastern Liaoning — a super-large, low-grade deposit with 1,444.49 tons of gold. It’s the largest single gold deposit ever found… pic.twitter.com/avKJzxmDgc
