Kreu i PDK-së, Bedri Hamza, ka thënë se presidentja Vjosa Osmani ka marrë vendim për shpërndarjen e Kuvendit dhe se së shpejti pritet shpallja e zgjedhjeve të reja,
Hamza ka thënë se si kryetar i PDK-së ka shprehur qëndrim për mbajtje të zgjedhjeve me datën 21 dhjetor, për të fituar një javë kohë.
Ai ka thënë se për shtyrjet e ndodhura përgjatë kësaj periudhe, barra bie mbi LVV-në.
“Data për zgjedhje të jetë data 21. Për shkak se kemi pas shtyrje të vazhdueshme që bie mbi barrën e LVV dhe vendi ka nevojë që sa më shpejt të ketë institucione. Nuk shkon në të njëjtën kohë edhe urgjencë për krijimin e institucioneve dhe të caktosh datën e më vonshme”, ka thënë Hamza.
“Jam optimist që do të kemi krijim të shpejt të institucioneve pas zgjedhjeve”, është shprehur ai.
Sa i përket koalicioneve, Hamza ka thënë se s’kanë vija të kuqe për askënd.
“Unë si kryetar dhe si PDK, s’kemi vija të kuqe për askënd”, ka shtuar ai.
