Një thashethem që vjen direkt nga Gjermania i lidh zikaltërit me një emër shumë interesant për të ardhmen.
Tabloidi Bild, historikisht i vëmendshëm ndaj ngjarjeve në Bundesligë, po e lidh Karim Adeyemi me Interin për afatin kalimtar të janarit. Anësori i lindur në vitin 2002 nga Borussia Dortmund, i ndjekur më parë nga Juventusi, mund ta gjejë veten të lidhur përsëri me Italinë.
Adeyemim profili ideal për Chivu: Adeyemi, në fakt, i përshtatet profilit të një sulmuesi të shpejtë, i aftë të krijojë kërcënime, të mposhtë kundërshtarin e tij një kundër një. Shkurt, një profil “Lookman”, duke u rikthyer në temën e nxehtë të merkatos së fundit të transferimeve të Interit gjatë verës.
Inter-Adeyemi, e vërteta. Në realitet, sulmuesi gjerman iu propozua Interit nga agjenti i tij Jorge Mendes, si dhe Manchester United. Menaxhmenti i zikaltërve dëgjoi, por nuk e ndoqi më tej çështjen. Është e qartë se ka interes për një profil të tillë, por, veçanërisht në janar, kostoja e marrëveshjes do të ishte e jashtëzakonshme.
Afati kalimtar i janarit: Kostot e bëjnë marrëveshjen të paqëndrueshme. Borussia Dortmund, i njohur si një klub shumë i shtrenjtë, nuk i lë kurrë lojtarët e saj të çmuar të largohen lehtë, dhe Adeyemi bie në këtë kategori. Prandaj, thashethemet për mbërritjen e mundshme të Adeyemi-t te Interi në janar duhet përjashtuar, siç sugjerojnë komentet e fundit të Marottës: “Nuk po flasim për afatin kalimtar tani. Jemi krenarë për të gjithë lojtarët në skuadrën tonë. Do ta diskutojmë më vonë me drejtorët tanë sportivë”.
