Xavi Hernandez në Serie A.
Xavi Hernandez ende nuk është rikthyer në stol, pasi qëndron pa punë që prej largimit nga Barcelona në fund të sezonit 2023/2024.
Megjithatë, rikthimi i tij i shumëpritur mund të ndodhë më shpejt sesa pritej.
Xavi, i cili këtë javë u duk se mbështeti Victor Font për postin e presidentit të ardhshëm të Barcelonës, është lidhur me një sërë ofertash që nga shkarkimi i tij në maj të vitit 2024.
Thuhet se ai ka më shumë interes për një aventurë në Angli, megjithatë tani duket se destinacioni i tij i radhës mund të jetë Italia.
Sipas Sport, e cila gjithashtu raporton se Xavi ka refuzuar një qasje nga skuadra ruse Spartak Moscow, ish-trajneri i Barcelonës është një nga kandidatët për të zëvendësuar Antonio Conte te Napoli.
Megjithatë, ai nuk është opsioni i vetëm, pasi edhe ish-mesfushori blaugrana, Thiago Motta, thuhet se është në listën e dëshirave të kampionëve në fuqi të Serie A.
Napoli ndodhet vetëm dy pikë larg kryesimit të tabelës së Serie A, por konfliktet e brendshme mes Contes dhe drejtuesve të klubit kanë nxitur zërat se trajneri mund të shkarkohet së shpejti.
Nëse kjo ndodh, Xavi do të ishte në një pozitë të favorshme për t’iu ofruar detyra, megjithëse përvoja e Mottës në futbollin italian (me Bologna dhe Juventus) mund ta bëjë atë një opsion më të preferuar.
