Eugen Cakolli nga KDI, ka thënë se seanca jashtëzakonshme e Kuvendit Komunal të Prishtinës e thirrur për 27 nëntor, është paligjshme dhe në kundërshtim me parimet demokratike sikur ajo fundit e thirrur në Kuvendin e Kosovës për buxhetin.
Madje thotë se në disa pika kjo seancë e thirrur për 27 nëntor është edhe më paligjshme.
“Seanca e jashtëzakonshme e Kuvendit Komunal të Prishtinës, e thirrur për 27 nëntor, është po aq – e në disa aspekte edhe më – e paligjshme dhe në kundërshtim me parimet demokratike sa ishte edhe ajo e fundit e thirrur në Kuvendin e Kosovës, ku parashihej votimi i buxheteve dhe pikave tjera”.
“Institucionet pa legjitimitet të plotë dhe pa e ndjekur rendin logjik te gjërave nuk mund të marrin vendime që prodhojnë pasoja, detyrime financiare apo politike për institucionet pasardhëse. E për më keq, nuk ka asnjë sens logjik, e lëre më ligjor, që një legjislaturë që realisht e ka mbyllur mandatin e saj, të marrë vendime për një legjislaturë që e merr mandatin pas disa ditësh. Rolet dhe qëndrimet politike mund të ndryshojnë, por parimet jo”, ka thënë Cakolli.
Prishtina ka mbetur pa transport publik, teksa Komuna e Prishtinës akuzon Qeverinë në detyrë për bllokim të mjeteve vetanake.
