Në botën e transportit ka shumë gjëra tashmë të shpikura, edhe pse jo të gjitha. Kina, gjithmonë në krye të inovacionit, po synon të revolucionarizojë këtë fushë dhe atë të projekteve të mëdha inxhinierike. Pas ndërtimit të urave në lartësi të mëdha, tani po nis ndërtimi i një tuneli të madh nën ujë për qarkullimin e trenave.
Projekti konsiston në krijimin e një rrjeti hekurudhor prej 123 kilometrash që do të kalojë Strait of Bohai, duke lidhur provincat Liaodong dhe Shandong në verilindje të Kinës. Pasi tuneli të jetë funksional, udhëtimi do të zgjasë vetëm 40 minuta, duke kaluar mbi ujërat e Detit të Verdhë.
Tuneli i Strait of Bohai do të mundësojë lidhjen mes lindjes dhe verilindjes së vendit, një zonë me rëndësi të madhe ekonomike, duke shkurtuar ndjeshëm rrugëtimin aktual që kërkon orë të tëra për të rrethuar detin. Tuneli do të përshpejtojë transportin e mallrave dhe do të lidhë dy zona strategjike për tregtinë detare.
Kostoja e këtij projekti do të jetë 220 miliardë juanë (rreth 26,8 miliardë euro) dhe do të jetë tuneli nënujor më i gjatë në botë për hekurudha me shpejtësi të lartë, duke tejkaluar tunelin japonez Seikan prej 53 km. Tuneli do të ketë tre seksione: dy tunele paralelë për trenat e shpejtësisë së lartë dhe një tunel qendror për mirëmbajtje dhe siguri.
Aktualisht projekti është në fazën e planifikimit dhe studimit të fizibilitetit, dhe nuk pritet të jetë funksional për disa vite. Parashikimet më optimiste flasin për 10–15 vjet për përfundimin e tij. Trenat do të mund të arrijnë një shpejtësi maksimale prej 250 km/orë, ndërsa pritet që tuneli të gjenerojë të ardhura vjetore prej 20 miliardë juanësh (rreth 2 milionë euro).
