Real Madridi thuhet se i ka thënë Liverpoolit se nuk ka “asnjë interes” për të nënshkruar me Ibrahima Konate, pasi e ardhmja e tij në Anfield është në dyshim.
Reprezentuesi francez do të jetë pa kontratë në fund të sezonit dhe është lidhur ngushtë me një kalim te gjigantët spanjollë.
Konate lejohet të nënshkruajë një marrëveshje parakontrate me klubet e huaja nga 1 janari, megjithëse nuk është e sigurt nëse ai do të largohet nga Reds si agjent i lirë.
Sipas gazetës Athletic, Real Madridi e ka bërë të qartë qëndrimin e tij për mbrojtësin.
Një raport thotë: “Skuadra e La Ligës i ka informuar homologët e saj të Premier Ligës drejtpërdrejt dhe pa mëdyshje se – pavarësisht spekulimeve të tilla të shumta – ata tani nuk kanë interes për të rekrutuar lojtarin ndërkombëtar francez.”
Me Madridin që duket se është jashtë garës për nënshkrimin e Konate-s, mbetet të shihet se çfarë e pret të ardhmen e tij në Anfield.
