29 
Mallorca ka marrë vetëm një pikë në përballjen me Osasuna-n në La Liga, pavarësisht paraqitjes së shkëlqyer të sulmuesit të Kosovës, Vedat Muriqi, i cili realizoi dy gola.
Muriqi hapi serinë e golave në minutën e 61-të, kur u tregua i saktë nga pika e penalltisë duke i dhënë epërsinë Mallorcës. Vetëm pesë minuta më vonë, ai dyfishoi rezultatin me një goditje të bukur me të djathtën, duke e vendosur ekipin e tij në pozitë të favorshme.
Megjithatë, Osasuna nuk u dorëzua. Skuadra nga Pamplona ngushtoi rezultatin në minutën e 82-të dhe arriti barazimin në kohën shtesë, duke e vulosur sfidën me rezultatin 2-2.
Pavarësisht rezultatit, Muriqi ishte lojtari më i dalluar i ndeshjes, duke treguar formë të mirë dhe efikasitet para portës.
