17 
Nënkryetari i Aleancës për Ardhmërinë e Kosovës, Besnik Tahiri, ka thënë se katër javët e ardhshme do të jenë përcaktuese për të ardhmen e vendit.
“Se çfarë drejtimi do të marrë Kosova, do të varet nga sot katër javë, kur mu në këtë ditë e në këtë orë do të përfundojë votimi i zgjedhjeve të 28 dhjetorit”, ka deklaruar Tahiri.
Sipas tij, detyra e të gjithëve është që Kosova të bëhet një vend i sigurt, me mirëqenie dhe dinjitet për qytetarët e saj.
“Kjo mund të bëhet vetëm duke i zgjedhur njerëzit që janë dëshmuar të gatshëm të japin gjithçka për vendin e tyre”, ka shtuar nënkryetari i AAK-së.
