Sot, shefi i Zyrës së Bashkimit Evropian në Kosovë, Aivo Orav, ka zhvilluar një takim me katër kryetarët e rinj të komunave veriore në Zveçan, duke përshëndetur dorëzimin pa probleme të qeverisjes lokale, një proces i cili, sipas tij, është realizuar plotësisht në përputhje me ligjin e Kosovës.
Në një postim në x, Orav ka nënvizuar se bashkëpunimi ndërmjet institucioneve qendrore dhe atyre lokale mbetet kyç për funksionimin demokratik të komunave dhe për sigurimin e stabilitetit në veri të vendit.
Ai gjithashtu ka ritheksuar rëndësinë e angazhimit konstruktiv nga të gjitha palët.
“Ritheksova nevojën për angazhim konstruktiv ndërmjet autoriteteve qendrore dhe lokale, si dhe mbështetjen e BE-së për realizimin e të drejtave të komuniteteve jo-shumicë, sipas Kushtetutës së Kosovës”, ka shkruar Orav.
Meeting 4 new northern mayors in Zvečan/Zveçan tdy, I welcomed the smooth handover of local gov. in line w/🇽🇰law.
— Aivo Orav (@AivoOrav) December 8, 2025
I reiterated the need for constructive engagement between central&local authorities and 🇪🇺's support for realizing non-majority community rights as per🇽🇰Constitution. pic.twitter.com/9V2woJwD09
