Liria e shtypit është një nga shtyllat kryesore të funksionimit të demokracisë në botë.
Por, jo të gjitha vendet e kanë të zhvilluar këtë të drejtë fundamentale.
Në renditjen e “Reporterëve pa Kufij”, vendet si: Norvegjia, Estonia, Holanda, Suedia, Finlanda dhe Danimarka, e kryesojnë listën duke iu ofruar gazetarëve mbrojtje të fortë ligjore si dhe një mjedis të përshtatshëm mediatik.
Por, e njëjta situatë nuk është në krejt Evropën, sidomos në atë Jugore dhe Lindore ku ka performancë ndjeshëm më të dobët,
Në këtë pjesë më e prekur mbetet Greqia, e cila për të katërtin vit me radhë shihet si vend që e ka të rrënuar ambientin gazetaresk, nga ndërhyrjet politike dhe “ngacmimi ligjor i gazetarëve”.
Edhe Ballkani Perëndimor mbetet gjithashtu një pjesë e prekshme nga këto ndërhyrje, sidomos vendet si: Bosnja, Serbia dhe Kosova që renditen goxha dobët.
Kosova në renditje zë vendin e 99, ku më keq janë vetëm vendet si: Gjeorgjia, Turqia, Bjellorusia dhe Rusia, që janë krejt në fund të renditjes, transmeton Klankosova.tv.
Kurse, në nivelin global, perspektiva është edhe më alarmante.
Për herë të parë që nga fillimi i indeksit në vitin 2002, rezultati mesatar global i lirisë së shtypit ra nën 55, me mbi gjysmën e vendeve të klasifikuara si me kushte “të vështira” ose “shumë serioze” për gazetarinë.
Përqendrimi i medias, presioni politik dhe paqëndrueshmëria ekonomike janë faktorë kryesorë që kontribuojnë.
Pavarësisht epërsisë së përgjithshme të Evropës, përçarja e brendshme në rritje dhe prapambetja globale ngrenë pyetje urgjente në lidhje me të ardhmen e gazetarisë së lirë.
A mund të mbetet liria e shtypit një gur themeli i demokracisë nëse kaq shumë rajone – përfshirë pjesë të Evropës – po përpiqen ta mbrojnë atë?
Shënim: Qiproja Veriore është renditur veçmas nga Qiproja në pozicionin 91.
