Presidenti ukrainas, Volodymyr Zelensky, ka mbërritur në Romë ku do të zhvillojë takime kyçe gjatë ditës.
Së pari, ai do të takohet me Papa Leonin, ndërsa pasdite do të ketë një takim dypalësh me kryeministren italiane Giorgia Meloni në Palazzo Chigi.
Zëdhënësi presidencial ukrainas, Serhiy Nikiforrov, bëri të ditur vizitën përmes televizionit publik Suspilne.
Takimi me Melonin pritet të shërbejë për të përsëritur mbështetjen e Italisë ndaj Kievit në kontekstin e situatës në Ukrainë, sipas raportimeve të agjencisë italiane të lajmeve Ansa.
Kjo vizitë e Zelenskyt vjen pas një runde takimesh në Bruksel, ku u prit nga liderët kryesorë të NATO-s dhe Bashkimit Evropian: Mark Rutte, Antonio Costa dhe Ursula von der Leyen. Më pas, presidenti ukrainas do të udhëtojë për në Londër për të takuar Keir Starmer, Emmanuel Macron dhe Friedrich Merz, duke vijuar kështu angazhimin e tij në arenën ndërkombëtare.
