Kylian Mbappé është përfshirë zyrtarisht në skuadrën e Real Madrid për ndeshjen vendimtare të Ligës së Kampionëve ndaj Manchester City, e cila do të zhvillohet sonte në orën 21:00 në “Santiago Bernabéu”.
Sulmuesi francez, i cili nuk stërvitu dje, ishte pikëpyetje për sonte. Prania e tij në listën e skuadrës, nën urdhrat e trajnerit Xabi Alonso, është një lajm bombastik.
Megjithatë, trajneri bask do të duhet të përballet edhe me mungesa të rëndësishme.
Përveç mungesës së tashmë të njohur të Dean Huijsen, Eduardo Camavinga – një shtyllë kyçe në mesfushë – do të mungojë gjithashtu.
Kjo mungesë e ndjeshme e detyron Xabi Alonson të ristrukturojë mesfushën dhe të mbështetet te lojtarë të tjerë për të kontrolluar ritmin e ndeshjes.
Trajneri i Madridit ka qenë i detyruar të thërrasë disa lojtarë të rinj për të forcuar skuadrën për shkak të mungesave të ndryshme.
Në linjën mbrojtëse, spikasin emra si Joan Martínez dhe Valdepeñas, ndërsa në mesfushë është përfshirë premtuesi Diego Cestero.
Real Madrid do të kërkojë fitoren në shtëpi ndaj Manchester Cityt të Pep Guardiolës, i cili tani do të duhet të përballet me një faktor të paparashikueshëm dhe në nivel të lartë.
