Gazetari Vehbi Kajtazi, në emisionin Rubikon në Klan Kosova, ka publikuar dokumente në lidhje me skandalin e rezervave shtetërore.
Ai tha se shteti, kontratën që e konsideroi sekret shtetëror, e ka dërguar në gjykatë.
“A është thyer sekreti shtetëror këtu? Si pati guxim Albulena Haxhiu, apo avokatura shtetërore, të ketë qasje në dokumente të klasifikuara?”, pyeti Kajtazi.
Më tej, ai publikoi edhe dokumente tjera në lidhje me këtë skandal, për çka ka edhe aktakuzë ndaj ministres në detyrë të Industrisë, Ndërmarrësisë dhe Tregtisë, Rozeta Hajdari, si dhe ndaj Irfan Lipovicës, Hafiz Garës e Ridvan Muharremit lidhur me rastin e njohur si “Rezervat shtetërore”.
