26 
Në Shkup, është mbajtur protesta e organizuar nga kategoritë e dala nga lufta, në përkrahje të ish-krerëve të Ushtrisë Çlirimtare të Kosovës që po gjykohen në Hagë.
Në pamjet e publikuara nga Enver Hoxhaj në rrjetet sociale, shihen qytetarë të shumtë me flamuj shqiptarë dhe me fotografi të Hashim Thaçit, Kadri Veselit, Jakup Krasniqit dhe Rexhep Selimit. Protesta po zhvillohet në mënyrë paqësore, siç kanë deklaruar edhe organizatorët.
Me mbishkrimin “UÇK-ja jehon në Shkup!”, Hoxhaj ka përcjellë mesazhin e solidaritetit dhe mbështetjes për ish-krerët e UÇK-së, duke theksuar rëndësinë e drejtësisë dhe respektimit të luftës çlirimtare.
