22 
Vedat Muriqi ka shënuar sërish në La Liga. Sulmuesi i Kosovës realizoi me kokë në fitoren 3-1 të Mallorcës ndaj Elches, në kuadër të javës së 16-të të kampionatit spanjoll.
Muriqi po kalon një formë të jashtëzakonshme këtë sezon. Ky ishte goli i tij i 9-të në La Liga, në 15 ndeshje të zhvilluara deri tani.
Me këtë fitore, Mallorca arrin në kuotën e 17 pikëve dhe aktualisht mban vendin e 14-të në renditje.
Në mesjavë, Mallorca do të luajë në Kupën e Mbretit ndaj Deportivo La Coruna në transfertë, përpara se të rikthehet në La Liga për duelin ndaj Valencias.
