Nënkryetari i Lidhjes Demokratike të Kosovës (LDK), Lutfi Haziri, ka deklaruar në Debat Plus se Albin Kurti, si kryeministër në detyrë, është shkaktari i krizës politike që po vazhdoi në Kosovë që pas zgjedhjeve të 9 shkurtit.
Ai ka shtuar se frika e tij është që Kosova, pa Kuvend dhe pa Qeveri funksionale, mund të mbetet pa buxhet për vitin e ardhshëm dhe paralajmëroi vështirësi në krijimin e institucioneve të reja në fillim të janarit.
“Faji i atribuohet vetëm atij që e shkakton, shkaktar i krizës politike pas 9 shkurtit është zoti Kurti. I cili politikisht ka marrë mandat prej qytetarëve ka qenë parti e parë më mbështetje të qytetarëve dhe është dashur me shkaktu ajo që pritej zbatimin e zgjedhjeve të 9 shkurtit. Nënkupton menaxhim edhe suksesit politik të partisë së tij, të atij si i nominuar si kryeministër por ajo që ndodhi krejt është shkaktim i një krizë, menaxhim i asaj krize politike e cila nuk po përfundon me 28 dhjetor por po vazhdon kriza politike. Frika ime është se Kosova pa kuvend e pa qeveri ka me vazhdu me mbet edh epa buxhet, përfundimisht”, ka deklaruar Haziri.
“[Nuk mund të ketë krijim të shpejtë të institucioneve menjëherë në dy javët e para të janarit nëse certifikohen rezultatet e zgjedhjeve?] Është pak e besueshme që kjo gjendje pasqyron realitetin në Kosovë. Mosgatishmëria për bashkëpunim politik dhe inatet po e bartin krizën përpara. S’ka bashkëpunim politik”, ka deklaruar mes tjerash ai.
