Rama për Adelina Thaçin: Zë që vjen nga kultura e akademia, prania e saj në Kuvend do të kontribuonte në pasurimin e debatit publik
Kryetari i Prishtinës, Perparim Rama, ka thënë se kandidatja e LDK’së për deputete, Adelina Thaçi, përfaqëson ndërthurjen e kulturës, etikës profesionale dhe angazhimit qytetar, dhe se, ajo ofron një perspektivë ndryshe: një zë që vjen nga kultura dhe akademia.
Rama, ka shtuar po ashtu se, prania e figurave si ajo e Thaçit, do të kontribuonte në pasurimin e debatit publik dhe në ndërtimin e politikave gjithëpërfshirëse dhe afatgjate.
Postimi:
Adelina Thaçi përfaqëson ndërthurjen e kulturës, etikës profesionale dhe angazhimit qytetar. Në një kohë kur politika ka nevojë për mendim kritik, komunikim të përgjegjshëm dhe integritet personal, kandidatura e saj ofron një perspektivë ndryshe: një zë që vjen nga kultura dhe akademia.
Prania e figurave të tilla në Kuvend të Kosovës do të kontribuonte në pasurimin e debatit publik dhe në ndërtimin e politikave gjithëpërfshirëse dhe afatgjate.
Përkrahja për këtë kandidaturë nuk është thjesht politike, është mbështetje për vlera, për dialog dhe për një qasje më të ndershme e më të vetëdijshme ndaj përfaqësimit publik.
