Policia ka njoftuar se e ka arrestuar një person, të dyshuar për përfshirje në plagosjen dhe rrëmbimin e dyshuar të shtetasit të Kosovës, Millan Vukashinoviq.
Në shtëpinë dhe objektet përcjellëse të tij janë gjetur dhe sekuestruar 9 telefona celularë, 1 laptopë, 3 dokumente të formatit A4, 1 pushkë gjuetie me 39 fishekë, 1 jelek për fishekë të armës së gjuetisë, si dhe 1 tytë armë.
Ai është dërguar në mbajtje.
“VRASJE E RËND NË TENTATIVË & RRËMBIM – Leposaviq / 01.11.2025 – NN. Më datë 20.12.2025, Policia e Kosovës, konkretisht Sektori për Hetimin e Krimeve të Rënda, sipas urdhëresës së lëshuar nga gjykata, ka bastisur shtëpinë dhe objektet përcjellëse të të dyshuarit m/k, i cili dyshohet se është i përfshirë në dhënien e ndihmës në kryerjen e veprës penale. Ky rast ka ndodhur më datë 01.11.2025, ku viktimë e rastit është një mashkull kosovar. Gjatë bastisjes janë gjetur dhe sekuestruar si prova materiale: 9 telefona celularë, 1 llaptopë, 3 dokumente të formatit A4, 1 pushkë gjuetie me 39 fishekë, 1 jelek për fishekë të armës së gjuetisë, si dhe 1 tytë arme. I dyshuari pas intervistimit me vendim të prokurorit është dërguar në mbajtje.”
