Sulmuesi anglez Marcus Rashford ka bërë të qartë dëshirën e tij për të ardhmen: ai nuk ka dyshime dhe dëshiron të qëndrojë te Barcelona.
Rashford kishte mbërritur në klubin katalanas këtë verë me një huazim nga Manchester United.
Barcelona ka një opsion për ta blerë sulmuesin për tridhjetë milionë euro dhe ta bëjë marrëveshjen të përhershme, por zyrtarët e klubit nuk kanë konfirmuar ende nëse do ta aktivizojnë këtë opsion menjëherë.
Rashford duket i vendosur për të vazhduar aventurën e tij në La Liga dhe të kontribuojë te skuadra e “Blaugranëve”. “Sa më përket mua, nuk kam dyshime për të ardhmen time. Dua të qëndroj te Barcelona”, ka thënë ai.
Rashford më herët kishte qenë i huazuar te Aston Villa. Ai është pjesë e kombëtares së Anglisë që nga viti 2016, ku ka luajtur gjashtëdhjetë e tetë ndeshje dhe ka shënuar tetëmbëdhjetë gola
