Riho Terras, raportuesi i Parlamentit Evropian për Kosovën, ka komentuar rezultatet e Zgjedhjeve të Jashtëzakonshme Parlamentare, duke theksuar se ato mund të vendosin pikën përfundimtare mbi bllokadën politike që i ka kushtuar Kosovës miliona euro nga fondet e Bashkimit Evropian.
“Rezultati i zgjedhjeve duhet të përfundojë më në fund bllokadën politike që i ka kushtuar vendit miliona euro fonde të BE-së”, shkroi Terras në rrjetin social X, raporton informim.net.
Ai gjithashtu vuri në pah përgjegjësinë e kryeministrit Albin Kurti, duke theksuar se “Kryeministri Albin Kurti tani ka një mandat të qartë dhe përgjegjësinë për të qeverisur në mënyrë më pragmatike”.
Deklarata e Terras vjen në një kohë kur Kosova synon formimin e shpejtë të Qeverisë së re pas zgjedhjeve të 28 dhjetorit, duke i hapur rrugë rifillimit të projekteve dhe forcimit të marrëdhënieve me partnerët ndërkombëtarë.
Kosovo’s election result should finally end the political deadlock that has cost the country millions of #euros in #EU funding.
— Riho Terras (@RihoTerras) December 29, 2025
PM @albinkurti now has a clear mandate and a responsibility to govern more pragmatically.#Kosovo @Europarl_EN @EU_Commission pic.twitter.com/cSr2NxwE9U
