17 
Manchester United ka vendosur të shkarkojë trajnerin Ruben Amorim, duke i dhënë fund bashkëpunimit me teknikun portugez.
Sipas raportimeve të mediave angleze, vendimi është marrë sot nga bordi drejtues i klubit, pas rezultateve jo bindëse në javët e fundit.
Ky vendim erdhi pas barazimit të fundit ndaj Leeds United, një rezultat që duket se ka ndikuar drejtpërdrejt në largimin e Amorimit nga pankina e “Djajve të Kuq”.
Aktualisht, Manchester United renditet në vendin e gjashtë në Premierligë me 31 pikë të grumbulluara.
Ruben Amorim mori drejtimin e skuadrës në vitin 2024, duke pasuar Erik ten Hagun, por nuk arriti të sjellë përmirësimin e pritur në lojë dhe rezultate.
