“Askush s’na ka vizituar”, familja në Klinë thotë se s’ka marrë ndihmë institucionale pas vërshimeve

Qytetarja Hidajete Tafilaj nga fshati Shatric, Klinë, ka sjell pamje direkte në emisionin “Kosova Live” në T7 nga gjendja e rëndë e shtëpisë së saj ku jetojnë disa anëtarë, e ku e shihet se është e pabanueshme si pasojë e vërshimeve nga reshjet e shiut që nga pardje.

Për shkak të dëmeve të mëdha, dhe oborrit të mbushur i gjithi me ujë familja Tafilaj është detyruar të strehohet te familjarët e tyre.

Sipas saj, Komuna është njoftuar për situatën, por deri më tani askush nga institucionet nuk i ka vizituar, e as nuk është ofruar ndonjë ndihmë.