Kryetari i Klinës, Zenun Elezaj, ka dalë në terren për të parë dëmet e shkaktuara nga përmbytjet që përfshinë vendin këto ditë.
Në fotografitë e publikuara nga ai shihet se është dëmtuar ura në Gjurgjevik dhe se aty janë vendosur shiritat.
Elezaj tha se kompania e kontraktuar nga komuna ka nisur të bëjë riparimin e dëmeve.
“Sot në mëngjes, bashkë me Drejtorin e Shërbimeve Publike dhe Emergjente, Qendrim Millaku, Shefin e Kabinetit, Shemsi Bajraktari, vizituam zonat e përmbytura dhe inspektuam nga afër objektet me rëndësi të veçantë, si urat dhe rrugët e dëmtuara. Pamë gjendjen reale në terren dhe fillimin e punimeve për sanimin e dëmeve. Kompania e kontraktuar nga komuna është në terren dhe po ndërmerr të gjitha masat e nevojshme për riparimin e dëmeve në pronat publike”, ka shkruar ai.
