Kryetari i Komunës së Pejës, z. Gazmend Muhaxheri, priti sot në takim Ambasadorin e Gjermanisë në Kosovë, z. Rainer Rudolph. Takimi u zhvillua në një atmosferë të ngrohtë dhe respekti të ndërsjellë, duke reflektuar marrëdhëniet e shkëlqyera ndërmjet institucioneve dhe popujve tanë, thuhet në një njoftim të Komunës së Pejës.
Në këtë takim, Ambasadori Rudolph e uroi Kryetarin Muhaxheri për mandatin e tij të ri, duke i dëshiruar suksese në vazhdimin e angazhimeve për zhvillimin dhe mirëqenien e qytetarëve të Pejës. Nga ana e tij, Kryetari Muhaxheri e uroi Ambasadorin Rudolph për marrjen e detyrës që nga tetori i vitit 2025, duke i dëshiruar shumë suksese në misionin e tij diplomatik në Kosovë.
Gjatë bisedës u ritheksua gatishmëria e ndërsjellë për thellimin e mëtejshëm të bashkëpunimit, forcimin e marrëdhënieve miqësore dhe realizimin e projekteve të përbashkëta që do të kontribuojnë në zhvillimin e qëndrueshëm dhe mirëqenien e qytetarëve.
Ky takim tregon përkushtimin e dy palëve për të avancuar marrëdhëniet bilaterale dhe për të krijuar mundësi të reja bashkëpunimi në shërbim të komunitetit.
