Mohammad Baqer Qalibaf, kryetari i parlamentit iranian, ka kërcënuar se në rast se Shtetet e Bashkuara do të vendosin të ndërhyjnë në Iran në mbështetje të protestuesve, do të ndërmerren hapa që rrezikojnë paqen në rajon.
Ai ka bërë me dije se në një skenar të tillë, Irani do të sulmojë Izraelin dhe bazat e SHBA në rajon.
Mohammad Baqer Qalibaf foli para deputetëve këtë mëngjes dhe kërcënimet e tij erdhën ndërkohë që deputetët në Parlament thërrisnin: “Vdekje Amerikës!”
Udhëheqësit e Iranit e kanë fajësuar më parë Uashingtonin për protestat.
Ajatollah Ali Khamenei, udhëheqësi suprem, tha të premten se protestuesit po “shkatërronin rrugët e tyre për të kënaqur presidentin e një vendi tjetër”.
Presidenti i SHBA-së, Donald Trump , i cili ka kërcënuar vazhdimisht me ndërhyrje ditët e fundit, shkroi në mediat sociale të shtunën: “Irani po sheh liri, ndoshta si kurrë më parë. SHBA-të janë gati të ndihmojnë!!!”
