16 
Kërkimet për gjetjen e të riut që dyshohet se është marrë nga rrjedha e lumit Mat, pas një aksidenti me makinë në zonën e Klosit, po vazhdojnë pa ndërprerje.
Ministri i Mbrojtjes i Shqipërisë, Pirro Vengu, ka bërë të ditur se operacioni po zhvillohet me përkushtim maksimal.
Në kërkime janë angazhuar polumbarët e Regjimentit të Operacioneve Speciale dhe 22 efektivë të Forcave të Armatosura, të cilët po punojnë me dronë dhe pajisje speciale për të kontrolluar çdo metër terreni nga ura e Darsës në Klos deri në bashkinë e Matit.
“Shpresojmë në një përfundim sa më të shpejtë të operacionit”, ka shkruar Vengu.
