23 
Ditën e martë parashikohet mot kryesisht me vranësira, por me periudha të shkurtra kthjellimesh. Në orët e paradites nuk përjashtohet mundësia e reshjeve të izoluara të borës në disa zona.
Era do të fryjë nga drejtime të ndryshme, me dominim nga jugperëndimi, dhe herë pas here pritet të jetë e fuqishme, sidomos në rajonin e Gjakovës, ku shpejtësia mund të arrijë nga 15 deri në 54 kilometra në orë.
Temperaturat do të shënojnë rritje gjatë ditës. Vlerat minimale pritet të zbresin nga -10 deri në -6 gradë Celsius, ndërsa temperaturat maksimale do të lëvizin nga 3 deri në 7 gradë Celsius.
