Kreu i Partisë Demokratike, Sali Berisha ka komentuar situatën brenda forcës politike gjatë takimit të tij me mbështetësit në Lezhë ditën e sotme.
Teksa nga ana tjetër, ish-deputeti Ervin Salianji ka intensifikuar lëvizjen në bazën e demokratëve, Berisha vijoi retorikën e tij duke i quajtur ato si “takime personale”.
“Ishte një periudhë kur ne po punonim për të mbrojtur votën, Edi Rama po bënte çdo gjë të ndryshonte raportin. Po përdorte të gjitha mjetet e lobimet e fuqitë. Ne po bënim gjithçka të mbronim votën tuaj, me fakte e dokumente. Debatet i kemi të hapura, por nëse vrapon për interesa private dhe flet në emër, do të përfundosh njëlloj si ata të tjerët pa asnjë emër. PD nuk i ka asnjë borxh. Ne i kemi borxh njëri tjetrit, ne i kemi detyrime njëri tjetrit. Tani jemi këtu po. Diskutojmë e bëjmë por shkëputesh e ecën me vrap. Shko ku të duash. Asnjë lloj efekti, zero”, shtoi Berisha.
Sakaq, tri ditë më parë Salianji zhvilloi takimin e radhës me demokratët, duke u ndalur në qytetin e Korçës.
