Tifogrupi zyrtar i Sigal Prishtinës, “Plisat”, ka reaguar të mërkurën në mbrëmje pas zgjedhjes së Bekë Berishës si kryetar i klubit, duke e cilësuar këtë si “ngjarje të turpshme në histori të sportit të kryeqytetit”.
Në një postim në Facebook, Plisat kritikuan mënyrën e zhvillimit të kuvendit, duke e quajtur atë “të paligjshëm” dhe duke thënë se kryesia e re nuk ka dashuri për klubin dhe nuk përfaqëson interesin e tifozëve. Ata e konsideruan zgjedhjen e Berishës si një vendim të dhunshëm dhe të motivuar nga frika e drejtuesve të klubit, duke theksuar se ai nuk ka lidhje me sportin apo klubin.
Plisat paralajmëruan se nuk e pranojnë këtë kryesi dhe nuk do të tërhiqen nga kërkesat e tyre për drejtësi dhe transparencë në udhëheqjen e klubit.
KB Sigal Prishtina ka mbajtur kuvendin e ri zgjedhor të klubit. Merr vesh se kryetar i ri i klubit është zgjedhur Bekë Berisha, i cili thuhet se ka marrë më së shumti vota në Kuvendin Zgjedhor.
