Pak më shumë se gjysmë viti pas marrjes së stolit të Real Madrid, Xabi Alonso ka lënë klubin madrilen. Por largimi i tij nuk është thjesht pasojë e një humbjeje të veçantë.
Burime brenda klubit flasin për një klimë të tensionuar brenda dhomës së zhveshjes, ku disa nga lojtarët më të rëndësishëm nuk e mbështetën trajnerin dhe kritikuan vendimet e tij drejtpërdrejt te presidenti, raportojnë mendait e huaja.
Incidenti i fundit që duket se shpërtheu situatën ishte përplasja me Vinícius Júnior gjatë finaleve të Superkupës së Spanjës, por sipas burimeve, konflikte të ngjashme kishin nisur që në muajin nëntor.
Disa lojtarë, të cilët gjithashtu kishin ndikim të madh në skuadër, nuk e pranonin autoritetin e Alonsos dhe kjo krijoi çarje në komunikimin e ekipit.
Megjithëse fillimisht aventura e tij nisi me optimizëm, me fitore të shpejta në La Liga, forma e ekipit u rrëzua gradualisht dhe sot Real Madrid gjendet katër pikë pas rivalëve të përjetshëm.
Një pjesë e madhe e drejtuesve të klubit menduan se një ndarje ishte e pashmangshme për të shmangur destabilizimin e mëtejshëm të ekipit.
